2025 йилдан ер, мол-мулк ва айланма солиқларини тўлиқ, даромад солиғининг эса камида 50 фоизини туман ва шаҳарнинг ўзида қолдириш эвазига туман ва шаҳарлар бюджетлари даромади 9,4 триллион сўмга ошади.

Бунда туман ва шаҳарлар ўз ҳудудидаги муаммоларни мустақил ҳал этиш имкониятини ошириши, аҳолини қийнаётган масалалар ечими бўйича асосли ташаббусларни илгари суриши керак.

Бу йил ҳокимларнинг 33 та ваколати маҳаллий кенгашларга олиб берилди, яна 17 та ваколатни ўтказиш режа қилинган. Шунингдек, кенгаш сўрови ва текшируви орқали ҳудудий ижро органлари устидан назорат кучайтирилади.

“Маҳаллий кенгашлар томонидан ҳар ярим йилда қилинган ишлар бўйича матбуот анжуманлари ўтказиш амалиёти йўлга қўйилса, уларнинг фаолиятида ошкоралик ва ҳисобдорликни кучаяди”, – деган президент ўз нутқида.

• Олий Мажлис
• Шавкат Мирзиёев