КХДР Ташқи ишлар вазирлиги Исроилнинг Ғазо шаҳрининг бутун ҳудудини назорат остига олиш режасини қоралаб, ҳудуддан бутунлай чиқиб кетишини талаб қилди. Баёнотини Корея Марказий телеграф агентлиги эълон қилди.

“Исроил ҳукумати томонидан Фаластин секторини тўлиқ эгаллаш тўғрисидаги “қарор” халқаро ҳуқуқни очиқчасига бузади ва халқаро миқёсда тан олинган Фаластин ҳудудини босиб олишга интилиш орқали намоён бўлаётган талончилик моҳиятини яққол кўрсатади. Биз Исроилдан фаластинликларга нисбатан ноқонуний қуролли ҳужумни дарҳол тўхтатишни ва Ғазо секторидан бутунлай чиқиб кетишни қатъий талаб қиламиз”, – дейилади баёнотда.

Пхенян Ғазо секторининг ҳудудий мансублиги ва аҳолиси таркибини бир томонлама ўзгартиришга уринишларни қабул қилиб бўлмаслигини таъкидлаган.

Аввалроқ Германия, Италия, Буюк Британия, Австралия ва Янги Зеландия Исроил ҳукуматининг Ғазо шаҳрини назоратга олишни кўзда тутувчи янги ҳужум амалиётини бошлаш қарорини қоралаб, қўшма баёнот билан чиққан эди.

• Фаластин
• Isroil
• КХДР