Артур Конан Дойлнинг машҳур асари асосида шу пайтга қадар элликдан зиёд фильмлар, сериаллар суратга олинган. Бироқ сўнги йилларда ушбу фильмни саҳналаштириш камайди. Кино ихлосмандларини детектив саҳналар билан ўзига жалб этган сўнги фильмларда кимлар иштирок этган?

Жеймс Д'Арси

Америка, Руминия, Буюк Британия мамлакатларида суратга олинган “Шерлок Холмс: Ёвузлик иши” фильми 2002 йилда экранларга чиққан. Фильмда бош ролни инглиз актёри Жеймс Д'Арси ижро этган. Унда асосий қаҳрамон Шерлок Холмснинг турли жиноятларнинг бошида турувчи Мориартига қарши кураши акс этган.

Руперт Эверет

“Шерлок Холмс ва ипак пайпоқ иши” фильми 2004 йилда экранларга чиққан ва кўпчиликка бирдек манзур бўлган. Бош ролни яна бир инглиз актёри Руперт Эверет ижро этган. Фильм Англия ва АҚШ мамлакатларида суратга олинган.

Роберт Дауни

Америкалик машҳур актёр Роберт Дауни 2009 йилда Шерлок Холмс ролига муносиб кўрилади. Ушбу фильм ҳозирга қадар ўзининг томошабоплигини йўқотмаган. Фильм 2010 йилда “Олтин глобус” мукофотини қўлга киритади. Картина жами тўртта давлатда: Америка, Буюк Британия, Германия, Австралияда суратга олинган.

Гари Пикер

Фильм нафақат АҚШ ва инглиз мамлакатларида, балки, Испанияда ҳам саҳаналаштирилган. 2012 йилда суратга олинган “Шерлок Холмс ва доктор Уотсон: Мадрид кунлари” фильми Испанияда суратга олинган. Бош ролни Гари Пикер ижро этган. Унда иккала детективнинг Испанияга қилган саёҳати тасвирланган.

Роберт Дауни

Бир қатор муваффақиятлардан сўнг, 2011 йилда Роберт Дауни ижросидаги иккинчи картина “Шерлок Холмс ва соялар ўйини” фильми экранларга чиқди. Фильмда асосий қаҳрамонлар ўзгармади. Шунингдек, томошабинлар кутиганидек қизиқарли бўлди.

Иан МакКеллен

Ўша пайтда 76 ёшда бўлган Иан МакКеллен “Жаноб Холмс” фильмида асосий қаҳрамон ролини ижро этди. 2015 йилда тақдим қилинган ушбу фильмга янада янги образлар қўшилган. Картина Буюк Британияда суратга олинган.

Бенидкт Камбербетч

Замонавий Шерлок Холмс образини 2017 йилда тўлиқ тақдим қилинган “Шерлок” фильмида кўришингиз мумкин. Лойиҳа ижодкорлари сериал тарзида воқеаларни тўртта мавсумга ажратди. Натижада фильм учун 2010 йилда бошланган ҳаракат 2017 йилга қадар давом этди. Фильмда Шерлок Холмснинг ёвуз жиноятчи Жеймс Мориартини қандай мағлуб этгани ва ўз опасига қарши курашгани тасвирланган. Бош ролни ўзгача маҳорат билан инглиз актёри Бенидикт Камбербетч ижро этган.

Рўзматов Йўлдашбой тайёрлади.

• Фойдали
• Кино
• Сериал
• aktyor
• факт
• қизиқарли