Американинг Meta Platforms корпорацияси раҳбари Марк Цукерберг 2023 йил бошидан буён ўз бойлигини рекорд даражада – 44,3 миллиард долларга оширди. Бу дунёдаги энг бой одамлар орасида энг юқори кўрсаткич ҳисобланади.

Bloomberg Billionaires Index маълумотларига кўра, тадбиркорнинг бойлиги ҳозирда 89,9 миллиард долларга баҳоланмоқда (умумий рейтингда 12-ўрин). Шу билан бирга, Цукерберг жорий йил бошидан буён бойлик ўсиши бўйича миллиардерлар орасида биринчи ўринни эгаллаб турибди. Ундан сўнг Louis Vuitton Moet Hennessy компанияси президенти Бернар Арно ва Tesla ва SpaceX асосчиси ҳамда Twitter эгаси Илон Маск бормоқда.

Журналистларнинг фикрича, Марк Цукерберг метаверсга (махсус виртуал макон) пул тикди ва бу сегментда ҳукмронлик қилиш учун қанча керак бўлса, шунча пул сарфлашга интилди. Бундан ташқари, тадбиркорнинг бойлиги 100 миллиард доллардан кўпроққа қисқарди, у бир неча йил аввал дунёдаги учинчи энг бой одам ҳисобланарди.

Февраль ойи бошида Марк Цукерберг компаниясидаги оммавий ишдан бўшатишлар ортидан бир кун ичида 12 миллиард долларга бойиди. Журналистларнинг ёзишича, Мета акцияларининг рентабеллиги ўтган йилги сезиларли пасайишдан сўнг 2023 йилда 50 фоиздан кўпроққа ошган.

• Мета
• Цукерберг
• миллиардерлар