Франциянинг Страсбург шаҳридаги Европарламент қароргоҳида 6 октябрь куни АҚШ Президенти Дональд Трамп тасвирланган яланғоч ҳайкал кўргазмага қўйилди. Бу ҳақда «Спиэгел» хабар берди.

«Оранге Plague» («Тўқ сариқ ўлат») ва «Адолатсизлик қироли» номлари билан танилган сатирик асарни даниялик ҳайкалтарош Енс Галсхиот яратган. Ҳайкалда Трамп яланғоч ҳолда бир эркакнинг елкасида ўтирган, қўлида эса ҳаддан ташқари узун гольф таёғини ушлаб турган ҳолатда тасвирланган.

Пойдевори билан бирга ҳайкалнинг баландлиги қарийб 2,5 метрни ташкил этади. Муаллиф маълумотига кўра, асар 23 каратли олтин суви билан қопланган. У Европарламентнинг гавжум жойларидан бирида намойиш этилган ва кўргазма 8 октябргача давом этади.

Ҳайкалтарошни Европарламентда асарни намойиш этишга сўлчилар фракциясидан бўлган даниялик евродепутат Пер Клаусен таклиф қилган. Клаусен ҳайкал намойишига эътироз билдирадиганлар ҳақида ўз фикрини билдирган.

Галсхиотнинг таъкидлашича, асар Трамп сиёсатига нисбатан танқид сифатида яратилган. Ҳайкалтарош АҚШ президентини иқлим инқирозини ҳал этиш йўлидаги асосий тўсиқлардан бири сифатида кўрсатади. Трампнинг ҳайкалга муносабати ҳозирча маълум қилинмаган.

Ҳозирда ҳайкал Европарламент биносида 8 октябргача намойиш этилмоқда.