Пеп Гвардиола 10 йиллик фаолиятидан сўнг, расман “Манчестер Сити” бош мураббийлигидан кетишини маълум қилди. Бу ҳақда клуб матбуот хизмати хабар берди. Айни пайтда “Манчестер Сити” Англия Премер-лигаси жадвалида “Арсенал”дан икки очко орқада қолган ҳолда иккинчи ўринда бормоқда. Жамоа ушбу мавсумда Англия кубоги ва Лига кубогида ғолиб чиқди. Гвардиола қўл остида “Манчестер Сити” жорий мавсумда иккита соврин – Англия Кубоги ва Лига Кубогини қўлга киритишга эришди. “Шаҳарликлар” Премер-лига чемпионлиги учун курашнинг 35-турида “Борнмут”га қарши ўйиндаги дуранг сабабли “Арсенал”га имкониятни бой берди. Маълумот учун, 55 ёшли Пеп Гвардиола 2016-йилдан буён Манчестер клубини бошқариб келмоқда. Унинг қўл остида “Манчестер Сити” бир марта Чемпионлар лигаси, УЭФА Суперкубоги, Клублар ўртасидаги Жаҳон чемпионати, олти марта Англия чемпионлиги, 3 та Англия кубоги ва 5 та Лига кубогида зафар қучган. Гвардиола фаолияти давомида, шунингдек, “Барселона” ва “Бавария”ни ҳам бошқарган.

• Футбол
• Гвардиола
• Manchester Siti
• Спорт
• murabbiy