Бугун, 27 февраль куни Мирзо Улуғбек туманидаги Зиёлилар кўчасида 50-сонли шаҳар автобус маршрутида ҳодиса юз берди.

Масъул тузилмалар ходимларининг хабар беришича, ҳодисанинг сабаби автобуснинг юриш қисмидаги техник носозлик бўлиб, натижада транспорт воситаси дарахтга урилиб кетган.

“Воқеа жойига тезкор равишда қутқарув хизматлари ва тез тиббий ёрдам бригадалари етиб келган. Мавжуд маълумотларга кўра, бир киши жароҳат олган, унинг аҳволи аниқланмоқда.

Ҳозирги вақтда ваколатли органлар томонидан ҳодисанинг барча ҳолатларини ўрганиш бўйича текширув ўтказилмоқда.

Вазиятни ўрганиш якунларига кўра қўшимча маълумот тақдим этилади”, – дейилади Тошкент шаҳар ҳокимлиги хабарида.

• Автобус
• Тошкент
• daraxt