Тошкент шаҳридаги собиқ “Алгоритм” заводи бино ва иншоотлари ауксионга қўйилди. Бу ҳақда Давлат активларини бошқариш агентлиги хабар маълум қилди.

Қайд этилишича, лотнинг бошланғич нархи 292,9 млрд сўм этиб белгиланган. Бино майдони 89 810 кв. Метр бўлиб, ер майдони 16,1 гектарни ташкил қилади.

Ушбу бинонинг асосий фаолият тури ишлаб чиқариш майдонида фойдаланилган. Агентликка кўра, бинонинг активлари бўлиб-бўлиб тўлаш шарти билан сотилганда дастлабки тўлов суммаси 35 фоиздан кам бўлган ҳолларда, қолган суммага Марказий банкнинг асосий ставкаси миқдорида йиллик фоизлар ҳисобланади.

Таъкидланишича, аризалар 2023 йил 4 январь куни соат 10:00 га қадар қабул қилинади.

• Аукцион
• Давактив