Алоҳида таъкидлаш жоизки, Ўзбекистонда ҳам миллий кино меросини асраб-авайлаш ва кенг тарғиб этиш, “Ўзбекфильм” ҳудудида Кино санъати музейини ташкил этиш масаласи давлатимиз раҳбари томонидан илгари сурилган вазифалар қаторига киради.

Қўрқут Ота Турк дунёси кинофестивали дастуридан ўрин олган мазкур музей Туркиянинг бой кино мероси ва жаҳон кинематографиясига бағишланган замонавий маданият марказларидан бири ҳисобланади.

Ноклассик услубидаги мазкур музей бир вақтлар Истанбулдаги биринчи кинотеатр сифатида фаолият кўрсатган.

Ташриф давомида ўзбекистонлик киноижодкорлар турк кино санъатининг шаклланиш тарихи, тараққиёт босқичлари ва бугунги ютуқлари билан танишди. Музей экспозициялари орқали миллий кино меросини сақлаш, тизимли намойиш этиш ва кенг тарғиб қилиш борасидаги Туркия тажрибаси ўрганилди.

Мазкур тажриба “Ўзбекфильм” ҳудудида Кино санъати музейини ташкил этиш, миллий кинематографиямиз тарихини яхлит акс эттирувчи музей мажмуасини шакллантириш ҳамда ушбу йўналишда халқаро ҳамкорликни ривожлантириш нуқтаи назаридан алоҳида аҳамиятга эга.

• Истанбул
• Кино
• Туркий давлатлар ташкилоти
• Туркия