7 ноябрь куни Польшадаги Краков шаҳрининг Бош бозор майдонида отишма содир бўлди. Ҳодиса оқибатида беш киши ҳалок бўлгани, ўндан ортиқ одам жароҳатлангани хабар қилинди.

Маълум қилинишича, маҳаллий вақт билан соат 15:00 атрофида номаълум эркак автомобилда майдонга кириб келиб, одамларга қарата ўт очган. Гумонланувчи қўлга олинган ва жароҳатлари сабаб шифохонага олиб кетилган.

«Онет» нашрига кўра, у камуфляж кийимида бўлган ва узун стволли милтиқдан фойдаланган. Автомобилидан бошқа қуроллар ва ўқ-дорилар ҳам топилган.

Польша Бош вазири Дональд Туск полиция ҳодисанинг барча тафсилотларини ўрганаётганини маълум қилган. Президент Карол Навротский ҳам вазиятни кузатиб бораётганини билдирган.