Трампнинг кўра, ҳозирги маъмурият атиги бир неча ҳафта ичида илгари ҳеч қайси ҳукумат йиллар давомида эриша олмаган натижаларга эришган.
“Америка орзусини тўхтатиб бўлмайди ва мамлакатимиз шундай улкан қайтиш арафасида турибдики, дунё тарихида ҳеч ким бунақасини кўрмаган, эҳтимол, бундан кейин ҳам кўрмайди”, — дея таъкидлади президент.
Демократлар партияси вакиллари норозилик билдириб, Трампни ҳуштакбозлик билан кутиб олдилар. Вакиллар палатаси спикери Майк Жонсон тартибни сақлашга чақирди ва президент нутқини бузишга уринганларни залдан чиқариб юбориш билан таҳдид қилди.
Демократлар партиясидан Конгресс аъзоси Эл Грин ўз жойига ўтиришдан бош тортгач, Жонсон “Бу жанобни залдан чиқариб юборинг”, – деб талаб қилди. Шундан сўнг, Трамп ўз нутқини давом эттирди.
Ушбу нутқ Трампнинг Оқ уйга қайтганидан кейин Конгрессдаги биринчи чиқиши ҳисобланади. Бу анъанавий тадбир бўлиб, унда президент ўзининг дастлабки бир неча ҳафталик фаолияти натижаларини сарҳисоб қилади. Трамп 44 кундан бери президент лавозимида ишламоқда.
Маълумот учун, Доналд Трампнинг Конгрессдаги илк нутқи тахминан бир соат давом этган эди.
29°
Кечаси 15°
