Президент Шавкат Мирзиёевга Тошкентни ривожлантириш ва транспорт инфратузилмасини яхшилаш бўйича лойиҳалар тақдим этилди. 774 гектарлик саноат зонасининг 268 гектарида 800 миллион долларлик 28 та лойиҳа амалга оширилмоқда, яна 300 гектарда 400 миллион долларлик 30 та янги лойиҳа режалаштирилган.

Дубайнинг “ДП World” компанияси билан ҳамкорликда 288 миллион долларлик мултимодал логистика терминали қурилиши кўзда тутилган. У ишга тушгач, пойтахт ва Тошкент вилояти логистика имкониятлари кенгаяди.

Шунингдек, Шота Руставели кўчасидаги тажрибадан келиб чиқиб, “БРТ” тизими асосида яна 10 та кўчада метробус ҳаракати йўлга қўйилади. Йўлларда хавфсизликни таъминлаш ва шаҳар қиёфасини ягона дизайн-код асосида янгилаш чоралари ҳам муҳокама қилинди.

Келгуси йилда маҳаллаларни ободонлаштириш ва суғориш тизимларини янгилаш учун 1 триллион сўм ажратилиши белгиланди. Президент янгиланишлар аҳоли учун қулай ва замонавий муҳит яратишга хизмат қилиши лозимлигини таъкидлади.

• Мирзиёев
• Президент