Туркия президенти Ражаб Тоййиб Эрдўғaн Истанбулда Фаластиннинг XАМАС радикал ҳаракати Сиёсий бюроси раҳбари Исмоил Ҳанияни қабул қилди. Бу ҳақда “ТАСС” хабар берди.

Матбуот учун ёпиқ эшиклар ортида ўтган учрашувда Ғазо секторида ўт очишни тўхтатиш, Исроил билан гаровга олинганларни алмашиш ва Фаластин анклавига гуманитар ёрдам етказиш масалалари муҳокама қилинди, деб таъкидлади “ТРТ Haber” телеканали.

ХАМАС раҳбари бундан олдин Туркияга бир неча бор ташриф буюрган ва Эрдўған билан учрашган.

Эрдўған 17 апрель куни парламентда сўзлаган нутқида, ХАМАСни террорчи ташкилот деб ҳисобламаслигини яна бир бор таъкидлади.

Шунингдек, у ҳаракатни 1918-1922 йилларда Туркия Республикасининг 1923 йилда эълон қилинишига сабаб бўлган миллий озодлик уруши пайтида Анадолуда фаолият юритган Қувайи Миллие кўнгилли кучлари билан қиёслаган.

• Эрдоған
• Фаластин