Украинанинг Полтава, Харков, Днепропетровск вилоятларида, шунингдек, Запорожье вилоятининг Киев назорати остидаги қисмида яна ҳаво огоҳлантириши эълон қилинди. Бу ҳақда Украина рақамли трансформация вазирлиги онлайн харитасида хабар берилди.

Онлайн харитага кўра, ушбу ҳудудларда ҳаво ҳужуми ҳақида огоҳлантириш Тошкент вақти билан соат 15:11 дан 15:14 гача бўлган.

Бугун, 12 март куни эрталаб Украинанинг Суми, Полтава, Харков, Днепропетровск вилоятларида, шунингдек, Запорожье вилоятининг Киев назоратидаги қисмида ҳаво огоҳлантириши эълон қилинган эди. Бироз вақт ўтгач, у бекор қилинди.

Россия Қуролли Кучларининг Украина инфратузилмасига ҳужумлар 2022 йил 10 октябрда, Қрим кўпригида содир этилган терактдан икки кун ўтиб бошланган, унинг ортида, Россия расмийларига кўра, Украина махсус хизматлари турибди. Зарбалар энергетика, мудофаа саноати, ҳарбий қўмондонлик ва алоқа объектларига берилган. Ўшандан бери Украина ҳудудларида ҳар куни, баъзан бутун мамлакат бўйлаб ҳаво ҳужуми ҳақида огоҳлантиришлар эълон қилинди.