Ҳаракатнинг тегишли баёноти АҚШ президенти Доналд Трампнинг “сўнгги огоҳлантириши”дан кейин эълон қилинган.

“Исроил гаровдагиларни озод қилиш бўйича келишув шартларини қабул қилган ва энди ХАМАС ҳам бунга рози бўлиши шарт. Агар ХАМАС бунга рози бўлмаса, оғир оқибатларга дуч келади. Бу менинг сўнгги огоҳлантиришим, бошқа бўлмайди”, — дея Truth Social ижтимоий тармоғида ёзган эди Трамп.

Ушбу пост эълон қилинганидан кўп ўтмай ХАМАС “урушни тўхтатиш ва барча гаровдагиларни озод қилиш” мақсадида музокара столига ўтиришга тайёр эканини билдирган. Ҳаракат аъзоларининг сўзларига кўра, АҚШ воситачилари орқали сулҳга эришишга қаратилган айрим таклифлар олинган.

ХАМАС гаровга олинган исроилликларни озод қилиш эвазига Исроилдан қуйидагиларни талаб қилмоқда:

– Ғазо секторида урушни тўлиқ тўхтатиш ҳақида аниқ баёнот бериш;

– исроиллик ҳарбийларни Ғазо секторидан бутунлай олиб чиқиш;

– ҳудудни бошқариш учун фаластинликлардан иборат мустақил қўмита тузиш.

• АҚШ
• Фаластин
• Isroil
• Ogohlantirish
• Трамп