Хитойнинг марказий қисмидаги Пингдингшан шаҳрида (Хенан вилояти) кўмир конида бахтсиз ҳодиса сабаб саккиз киши бедарак йўқолган. Бу ҳақда ТАСС маълум қилди.

Шаҳар фавқулодда вазиятлар бошқармасининг сўнгги маълумотларига кўра, конда қолган 45 кишидан 8 нафари ҳалок бўлган, яна 8 нафари бедарак йўқолган. Бошқа барча одамлар эса қутқарилган.

“Воқеа содир бўлган пайтда 425 нафар кончи ер остида бўлган. Қутқарув ишлари давом этмоқда. Кон бошқармасининг масъул ходимлари полиция томонидан қўлга олинди, тергов ҳаракатлари олиб борилмоқда” – деб ёзади Синхуа.

Фавқулодда ҳолат жума куни маҳаллий вақт билан соат 14:55да (Москва вақти билан 09:55) юз берган.

Шунингдек, воқеага вентиляция тизимининг ташқи қисмида газ ва кўмир чиқиши сабаб бўлганлиги айтилмоқда.

• Favqulodda holat
• Halokat
• Хитой