Хитойлик онколог-жарроҳ бемордан 5000 километр узоқликда туриб, унинг ўпкасидаги хавфли ўсмани олиб ташлаш бўйича мураккаб операцияни муваффақиятли бажарди.
Синсзян-Уйғур автоном районида яшовчи беморда онкологик жарроҳлик амалиётини ўтказиш зарурати туғилди, аммо маҳаллий шифохонада етарли малакага эга мутахассислар бўлмаганлиги туфайли бунинг учун Хитойнинг “MEDBOT” компанияси томонидан ишлаб чиқарилган робот-жарроҳдан фойдаланишга қарор қилинди.
Операция Шанхай шифохонаси онкология бўлими илмий раҳбари ва етакчи жарроҳи Ло Синсюан томонидан ўтказилди. Бемор ва жарроҳни 5 минг километр масофа ажратиб турганига қарамай, 5G алоқа тизими орқали роботни бошқариш давомида сигнал узатилишида узилиш ёки кечикишлар деярли кузатилмади.
“Робот жарроҳлиги — энг илғор кам инвазив технологиялардан бири бўлиб, унинг ёрдамида бажариладиган операциялар юқори аниқлик ва асоратлар хавфи минималлиги билан ажралиб туради. Бунинг натижасида беморларнинг жарроҳлик амалиётидан кейинги тикланиши тезроқ кечади”, — деди Ло.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!