Судланувчи айбини тан олмаган бўлса-да, далиллар айбловни тўлиқ тасдиқлаган. Қозоғистоннинг Туркистон вилоятида ўзбекистонлик 35 ёшли фуқаро вояга етмаган қизни мунтазам равишда жинсий зўрлашда айбдор деб топилди. Жиноят ишлари бўйича ихтисослаштирилган туманлараро суд унга нисбатан умрбод озодликдан маҳрум этиш жазосини тайинлади.

Суд материалларига кўра, айбланувчи 2024 йилнинг ўрталарида қурилиш ишлари учун Қозоғистонга келган. Шу йилнинг март ойида у қўшни хонадонда яшовчи 14 ёшли қизнинг ночор аҳволидан фойдаланиб, бир неча бор унинг иродасига қарши жинсий алоқада бўлган. Натижада жабрланувчи ҳомиладор бўлган.

Ҳолат фақат тиббиёт муассасасида қизнинг ҳомиладорлиги аниқлангач ошкор бўлган. Суд жараёнида прокурор айбланувчига умрбод қамоқ жазосини талаб қилган. Иш ҳужжатлари ва далиллар асосида эркакнинг айби тўлиқ исботланган.

Суд ҳукми 25 август куни эълон қилинди. Ҳукм ҳали қонуний кучга кирмаган бўлиб, айбланувчининг аппеляция шикояти бериш-бермаслиги номаълум.

• Ўқувчи
• Ўзбекистон
• Қозоғистон
• Суд
• zo‘ravonlik