“Ижтимоий тармоқларда Наманган шаҳрида профилактика инспектори томонидан фуқаро қийноққа солинганлиги акс этган хабарлар тарқалмоқда.

Мазкур хабар Наманган вилояти ИИБнинг масъул ходимлари томонидан ўрганилганда ҳақиқатдан ҳам жорий йилнинг 14 август куни Наманган шаҳрида яшовчи, 1991 йилда туғилган, фуқаро Ў.А. ўзаро оилавий низо сабабли ички ишлар бўлимига олиб келинган. У билан профилактик суҳбат олиб борилиб, шу куни уйига рухсат берилган. Орадан икки кун ўтиб, 16 август фуқаро Ў.А. соғлиги ёмонлашганлиги сабабли тиббиёт муассасасига мурожаат қилганлиги аниқланган.

Ҳозирда фуқаро Ў.А. га нисбатан етказилган тан жароҳатлари бўйича айбдорларнинг ҳаракатларига қонуний чора кўриш мақсадида Наманган шаҳар прокуратураси томонидан ҳолат юзасидан Ўзбекистон Республикаси Жиноят кодексининг 104-моддаси 1-қисми (Қасддан баданга оғир тан жароҳати етказиш) билан жиноят иши қўзғатилган.

Тергов ҳаракатлари якуни бўйича қонуний қарор қабул қилиниши таъминланади” - дейилади расмий муносабатда.

• ИИББ
• Наманган
• rasmiy munosabat
• хабар