Август ойида Истанбулдаги Бош консулхона томонидан жазони ижро этиш муассасалари, депортация марказлари, полиция, суд идоралари ва шифохоналарга ташрифлар амалга оширилган.

Туркия ва Болгарияда қийин вазиятга тушган ўзбекистонликларга консуллик-ҳуқуқий ёрдами кўрсатилган.

Туркияда вафот этган 5 нафар ўзбекистонлик ҳамда Болгариянинг Созопол шаҳрида чўкиш оқибатида ҳалок бўлган фуқароларнинг жасадларини ватанга олиб келиш харажатлари давлат ҳисобидан қоплаб берилган.

Шифохоналарда даволаниш жараёнида катта қарзга тушган 12 нафар фуқароларга чегирмалар қилиниб, уларнинг ватанга қайтишига амалий ёрдам кўрсатилган.

Туркияда ҳужжатсиз қолган 27 нафар ўзбекистонликка ёрдам берилиб, зарур ҳужжатлар расмийлаштирилган.

Шунингдек, Ўзбекистоннинг Истанбулдаги Бош консулхонаси фуқароларга қуйидагилари эслатиб ўтган:

“Туркияда ҳужжатларни текшириш кучайтирилган.

Шунинг учун:

– паспорт ва шахсни тасдиқловчи ҳужжатларни ёнингизда олиб юринг;

– маҳаллий қонун-қоидаларга риоя қилинг;

– фавқулодда вазиятларда Консулхонага мурожаат қилинг”.

• Болгария
• Истанбул
• Konsullik
• fuqaro