Ўзбекистонга саёҳат мақсадида қарийб 950 минг нафар чет эл фуқаролари келганлиги маълум бўлди.

Миллий статистика қўмитаси маълумотларига кўра, 2025 йилнинг январь-июль ойларида жами 949,9 минг нафар чет эл фуқаролари саёҳат мақсадида Ўзбекистонга ташриф буюрган.

Бу кўрсаткич ўтган йилнинг мос даври билан солиштирилганда 319,3 минг нафарга ёки 50,6 фоизга ошган.

Жорий йилнинг 7 ойида Ўзбекистонга саёҳат мақсадида келган чет эл фуқаролари мамлакатлар бўйича қуйидагича:

Россия — 194,3 минг нафар

Туркманистон — 147,8 минг нафар

Қозоғистон — 102,9 минг нафар

Қирғиз Республикаси — 82,1 минг нафар

Хитой — 60,8 минг нафар

Тожикистон — 60,5 минг нафар

Туркия — 36 минг нафар

Ҳиндистон — 24,9 минг нафар

Италия — 20,6 минг нафар

Жанубий Корея — 18,7 минг нафар

Германия — 17,3 минг нафар

АҚШ — 15,5 минг нафар

Бошқа давлатлар — 168,5 минг нафар.

• Сайёҳ
• Туризм
• саёҳат
• turist