Гурлан туманида алкоголь маҳсулотларини қўлбола усулда тайёрлаб сотаётган яширин цех фаолиятига чек қўйилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Қайд эилишича, Департамент ҳамда ДХХнинг Гурлан туман бўлимлари томонидан ИИБ ходимлари билан ҳамкорликда ўтказилган тезкор тадбирда, фуқаро Х.М.га “Damas” русумли автотранспорт воситасида 7 хил турдаги жами 294 дона қалбаки акциз маркали алкоголь маҳсулотларини ўтказиш мақсадида олиб кетаётганлиги аниқланиб, унинг яшаш хонадони кўздан кечирилганда, 60 литр этил спирти ва алкоголли маҳсулотларни ишлаб чиқариш учун фойдаланилган товар моддий бойликлар ашёвий далил сифатида олинган. 

Шунингдек, Х.М.нинг кўрсатувига асосан давом этган тадбирда, фуқаро А.А. жами 460 дона бир хил рақамли алкоголь маҳсулоти акциз маркасини 200 минг сўмга сотган вақтида ашёвий далиллар билан ушланган.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
 

• Бош прокуратура
• ДХХ
• Spirt
• Хоразм