Кеча, 19 апрель оқшомида Европа Чемпионлар Лигасининг чорак финал жавоб баҳси доирасидаги иккита ўйин бўлиб ўтди.

Улардан бирида «Бавария» ўз майдонида «Манчестер Сити»ни қабул қилди. Учрашувнинг биринчи бўлимида дарвозалар ишғол этилмади. Холанд рақиб дарвозаси томон белгиланган пенальтидан унумли фойдалана олмади.

Иккинчи бўлимда, жамоалар биттадан тўп киритишди ва 1:1 ҳисоби ўйин сўнггига қадар сақланиб қолди.

Шу тариқа инглиз клуби дастлабки ўйиндаги ғалаба (3:0) эвазига ярим финал йўлланмасига эга бўлди ва у босқичда «шаҳарликлар» «Реал»га қарши баҳс олиб боради.

«Бавария» – «Манчестер Сити» 1:1

Голлар: 0:1 – 57ʼ Холанд, 1:1 – 83ʼ, пенальти Киммих.

Яна бир беллашув «Интер» ва «Бенфика» жамоалари ўртасида кечди. Мазкур баҳс 3:3 ҳисобидаги жанговар дуранг билан якунланди.

«Интер» биринчи ўйинда қайд этилган 2:0 ҳисобидаги ғалабаси эвазига кейинги босқичга чиқди ва ярим финалда ўз ҳамшаҳари «Милан»га қарши баҳс олиб боради.

«Интер» – «Бенфика» 3:3

Голлар: 1:0 – 14ʼ Барелла, 1:1 – 38ʼ Эурснес, 2:1 – 65ʼ Мартинес, 3:1 – 78ʼ Корреа, 3:2 – 86ʼ Антониу Силва, 3:3 – 90ʼ Муса.

• Футбол
• ЕЧЛ