Тадбиркорлар ҳамда бозор ташриф буюрувчилари учун қулайлик, тартиб ва хавфсизликни ошириш мақсадида “Юнусобод” бозори ҳудудининг бир қисмида реконструкция ишлари бошланган.

Аввал ушбу ҳудудда 180 та автомобиль учун тўхташ жойлари мавжуд эди. Ишлар олиб борилаётган даврда Аҳмад Дониш кўчаси бўйлаб, жумладан йўл ўтказгич остида, 350 га яқин тўхташ жойи ташкил этилган.

Илгари автотураргоҳда автомобиллардан тартибсиз савдо амалга оширилган бўлиб, бу тартиб ва ўтиш йўлларига салбий таъсир кўрсатган. Эндиликда бу ҳолат тартибга солинмоқда — автомобиллардан савдо қилган шахслар 50 метр ичкарига, махсус ташкил этилган ҳудудга кўчирилмоқда. Бу ерда улар савдо қилиши учун янада қулай ва хавфсиз шароитлар яратилган.

• Бозор
• Юнусобод тумани
• qurilish