Sadir Japarov Qirgʻizistonda qishloq nomlarini oʻzgartirish tashabbusini ilgari surdi. Unga koʻra, mamlakatdagi rus tilidagi aholi punktlari nomlari qirgʻiz tiliga almashtiriladi. Jarayon 2027-yilgacha yakunlanishi rejalashtirilgan.

Prezident tashabbusiga koʻra, Qirgʻiziston hududidagi ko‘plab qishloq nomlari bosqichma-bosqich oʻzgartiriladi. Bu o‘zgarishlar davlat tilining mavqeini mustahkamlash va tarixiy nomlarni tiklash siyosatining bir qismi sifatida izohlanmoqda.

Shuningdek, yangi tartibga koʻra, aholi punktlariga shaxslar nomini berish taqiqlanadi. Prezident bu qarorni tarixiy shaxslar nomi joy nomi orqali emas, balki tarixda o‘z o‘rniga ega ekanini ta’kidlash bilan izohladi.

“Masalan, Olimbek dodxoni nomi allaqachon tarixga muhrlangan. Qishloq uning nomi bilan atalganidan u tezroq rivojlanib qolmaydi”, — dedi Japarov.

Mazkur islohotlar natijasida ayrim hududlar nomi oʻzgaradi. Bu esa rasmiy hujjatlar va xaritalarda yangilanishlarni talab qilishi mumkin.

• Maktab