Prezident Shavkat Mirziyoyev kasaba uyushmalari vakillari bilan uchrashuvda mehnatga haq to‘lash tizimini takomillashtirish bo‘yicha yangi vazifalarni belgiladi.

Davlat rahbarining ta’kidlashicha, hozirgacha eng kam ish haqi davlat idoralari hisob-kitoblariga asoslanib belgilanib kelgan bo‘lsa, kelgusi yildan bu jarayonga Kasaba uyushmalari federatsiyasi, Bandlik vazirligi va Ish beruvchilar konfederatsiyasi ham jalb etiladi.

Bu chora xodimlar manfaatlarini samaraliroq himoya qilishga xizmat qiladi. Prezident inson qadri faqat ish haqi bilan emas, balki uy-joy, ta’lim, tibbiyot va transport kabi ijtimoiy sharoitlar bilan ham belgilanishini ta’kidladi.

• Prezident
• Shavkat Mirziyoyev