Poytaxt hokimining birinchi o‘rinbosari Baxtiyor Haydarovning ma’lum qilishicha, 16-oktyabr kuni prezident boshchiligida o‘tgan yig‘ilishda Toshkent shahriga kirish va chiqish postlarini ko‘chirish bo‘yicha takliflar ma’qullandi. Postlarning yangi joylashuvi hozircha oshkor etilmadi.

Hokim Shavkat Umurzoqovning so‘zlariga ko‘ra, har kuni Toshkentga 400 mingdan ortiq avtomobil kiradi, 1 milliondan ortiq aholi qatnaydi. Buning sababi — jamoat transporti tizimining yetarli rivojlanmaganidir.

Rejaga ko‘ra, shahar tashqarisida avtovokzallar, kempinglar va to‘xtash joylari barpo etiladi. Jamoat transporti, xususan BRT tizimi yo‘lga qo‘yilsa, poytaxtga avtomobil oqimi kamayib, tirbandlik muammosi sezilarli darajada bartaraf etilishi kutilmoqda.

• Toshkent
• Transport
• viloyat