Samarqand davlat universitetiga qarashli talabalar yotoqxonasida 29-mart kuni soat 02:00 larda S.E. ismli talaba qiz o‘zini 9-qavatdan tashlab, vafot etgani haqida xabar berilgandi. Samarqand viloyati prokuraturasining ma’lum qilishicha, holat yuzasidan jinoyat ishi qo‘zg‘atilgan.

Universitetning kechki ta’lim yo‘nalishida tahsil olayotgan qiz yotoqxonaning 6-qavatida yashagan. Universitetning yoshlar masalalari bo‘yicha prorektori Shahzoda Negmatova talaba qizning hech kim bilan ziddiyatga bormagani, biroq o‘zi jur’atsizroq bo‘lganini aytgan.

Samarqand viloyati prokuraturasining xabariga ko‘ra, talaba qizning o‘limi yuzasidan Samarqand shahar prokuraturasi tomonidan tergovga qadar tekshiruv harakatlari o‘tkazilgan.

“Mazkur holat yuzasidan Samarqand shahar prokuraturasi tomonidan tergovga qadar tekshiruv harakatlari o‘tkazilib, Jinoyat kodeksining 103-moddasi (o‘zini o‘zi o‘ldirish darajasiga yetkazish) bilan jinoyat ishi qo‘zg‘atilib, tergov harakatlari olib borilmoqda”, – deyiladi xabarda.

• Jinoyat
• Prokuratura
• Samarqand
• Talabalar
• Universitet