Avvalroq, 15 mln O‘zbekiston fuqarosining shaxsiy ma’lumotlari Dark Web’ga joylashtirilgani haqida xabarlar tarqaldi. Milliy statistika qo‘mitasida ma’lumotlar ehtimoliy sizib chiqishi haqidagi xabarlarga izoh berib, o‘z tomonlaridan bunday holat to‘liq istisno etilishini ma’lum qildi.

Aholi va qishloq xo‘jaligini ro‘yxatga olish tadbiriga mas’ullarning ma’lum qilishicha ro‘yxatga olish jarayonida to‘plangan barcha ma’lumotlar alohida serverlarda shifrlangan holda xavfsiz saqlanmoqda. 

Fuqarolarning ro‘yxatga olish bilan bog‘liq shaxsiy ma’lumotlari himoyalangan bo‘lib, ularning xavfsizligi bo‘yicha hech qanday xavotirga o‘rin yo‘qligi ma’lum qilinadi.

Shuningdek, ro‘yxatga olish jarayonida hech bir fuqaroga tegishli fotosurat olinmagan va ma’lumotlar bazasiga rasm yuklanmagan.

Ma’lumotlar milliy axborot xavfsizligi talablariga muvofiq qat’iy muhofaza ostida saqlanmoqda va tashqi manbalar orqali sizib chiqishi ehtimoli mavjud emas.

• Xavfsizlik
• axborot
• statistika