Oq uy milliy xavfsizlik maslahatchisi matbuot kotibining jurnalistlarga aytishicha, AQShda mavjud ma’lumotlarga ko‘ra, G‘azo shahridagi Al-Shifo kasalxonasi ostida XAMAS qo‘mondonlik markazi joylashgan.

Uning so‘zlariga ko‘ra, XAMAS va “Islomiy Jihod” G‘azo sektoridagi ba’zi shifoxonalar, jumladan, Al-Shifo kasalxonasi va ularning ostidagi tunnellardan harbiy amaliyotlar hamda garovda ushlab turish uchun foydalanmoqda.

XAMAS va “Islomiy jihod” a’zolari Al-Shifo kasalxonasida qo‘mondonlik markazini boshqarmoqda. Shuningdek, u yerda qurol-yarog‘ saqlashmoqda va Isroil harbiylarining ushbu hududga qarshi operatsiyasiga javob berishga tayyor.

Amerika rasmiysi qo‘shimcha qilishicha, bu faqat XAMAS tinch aholi orasiga chuqur joylashib olgan sharoitda harbiy operatsiya qanchalik qiyin ekanligini ko‘rsatadi. Biroq AQSh bu Isroilning G‘azo sektoridagi tinch aholini himoya qilish mas’uliyatini kamaytirmasligini ta’kidlamoqda.

• AQSh
• Falastin
• Isroil