31°
Kechasi 18°
Isroilning G‘azoga uyushtirgan hujumi oqibatida 30 kishi halok bo‘ldi. Bu sulh tuzilganidan keyin qurbonlar soni bo‘yicha eng yirik zarba bo‘ldi.
Bu haqda Associated Press xabar bermoqda. Ushbu raqam Isroil va XAMAS o‘rtasida o‘t ochishni to‘xtatish kelishuvi tuzilganidan keyingi davrda bir sutkada halok bo‘layotganlarning o‘rtacha sonidan bir necha barobar ko‘p.
Avvalroq G‘azo sog‘liqni saqlash vazirligi 2025-yil 10-oktyabrda kelishuvga erishilganidan 2026-yil 30-yanvargacha bo‘lgan davrda Isroil kuchlarining harakatlari natijasida G‘azo sektorida kamida 520 kishi halok bo‘lganini ma’lum qilgandi.
Isroil mudofaa armiyasi matbuot xizmati zarbalarni Falastinning XAMAS va “Islomiy jihod” harakatlari tomonidan sulhning buzilishiga “javob” deb atagan. Bayonotga ko‘ra, bir kun avval sakkiz nafar “jangari” tunnellar tizimi orqali Isroil nazoratidagi Rafah shahrining g‘arbiy hududiga kirib kelgan. G‘azoga berilgan zarbalarning nishonlari XAMAS jangchilari, qurol ombori va ishlab chiqarish joyi hamda ikki raketa uchirish moslamasi bo‘lgan.
Isroil zarbalari G‘azodagi ko‘p qavatli uy va Xon Yunusdagi qochqinlar lageriga berilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
