AQSh G‘azoda o‘t ochishni to‘xtatishning ikkinchi bosqichi boshlanganini e’lon qildi. Ushbu bosqich G‘azo sektorida o‘tish davri mobaynida kundalik hayotni boshqarish uchun falastinlik texnokratlar qo‘mitasini tuzishga qaratilgan. Bu haqda Donald Trampning maxsus vakili Stiv Uitkoff ma’lum qildi. Ammo bayonotda aniq tafsilotlar yoki qo‘mita a’zolarining ismlari keltirilmadi. Jarayon hali tuzilmagan, Tramp rahbarlik qiladigan “tinchlik kengashi” tasdig‘iga bog‘liq.

Vashington bu bosqichni “demilitarizatsiya va qayta tiklash” deb ta’riflayotgan bir paytda, Isroil qo‘shinlari hali ham G‘azoning katta qismini ishg‘ol qilib turibdi. Isroil hujumlari to‘xtamagan, o‘t ochishni to‘xtatish e’lon qilinganidan beri taxminan 450 nafar falastinlik halok bo‘lgan.

• AQSh
• G‘azo
• Isroil