G‘azo fuqarolik mudofaasi agentligining ma’lum qilishicha, payshanba kuni Falastin hududida Isroil hujumlari kamida 13 kishining, jumladan besh nafar bolaning o‘limiga sabab bo‘ldi. Bu hujumlar sulhga qaramay yuz bermoqda.

Agentlik vakili Mahmud Bassalning ma’lum qilishicha, G‘azoning janubidagi chodirga dron zarbasi berilishi oqibatida to‘rt kishi, jumladan uch nafar bola halok bo‘lgan. Bundan tashqari, shimoldagi Jabaliya qochqinlar lageri yaqinida 11 yoshli qiz halok bo‘lgan, maktabga berilgan zarba bir kishining o‘limiga olib kelgan. Xon Yunus yaqinida dron zarbasi yana bir erkakni o‘ldirgan.

“Bugun ertalabdan buyon G‘azo sektoriga qilingan Isroil zarbalari oqibatida halok bo‘lganlar soni 13 nafarga yetdi — bu sulh bitimining ochiqdan-ochiq buzilishidir,” — degan Mahmud Bassal.

G‘azo sog‘liqni saqlash idorasi ma’lumotiga ko‘ra, sulh kuchga kirganidan beri Isroil kuchlari G‘azoda kamida 425 falastinlikni o‘ldirgan.

• G‘azo
• Isroil
• O'lim
• hujum