7-sentyabr kuni Angren shahrida sodir bo‘lgan dahshatli YTHda halok bo‘lganlarning soni 13 nafarga yetganligi ma’lum bo‘ldi.

IIV hodisa haqida taqdim etgan ilk xulosasida vafot etganlarning soni 7 tani tashkil etishi xabar bergan edi. Keyinchalik 9-sentyabr kuni Farg‘ona viloyati hokimi Xayrulla Bozorovning farmoyishi orqali halok bo‘lganlarning asl soni ko‘proq ekanligi ma’lum bo‘ldi.

Mazkur farmoyishda tegishli tashkilot va idoralar YTH oqibatida vafot etganlarning shaxsiga aniqlik kiritishi, ularning oila a’zolariga hamda jabrlanganlarga tibbiy, moddiy, psixologik va boshqa yordamlar ko‘rsatishi belgilangan. Halok bo‘lganlarni dafn marosimlari bilan bog‘liq kompleks chora-tadbirlar amalga oshirilishi qayd etilgan. Jarohat olganlarga Angren shahar tibbiyot birlashmasida zarur tibbiy yordam ko‘rsatilayotgani bildirilgan.

Ma’lum bo‘lishicha, e-qaror.gov.uz saytiga yuklangan farmoyish keyinchalik ma’lum bir sabablarga ko‘ra, yopib qo‘yilgan. “Kun.uz” nashrining ichki ishlar organlaridagi manbasiga ko‘ra esa bugunga kelib ushbu YTH oqibatida vafot etganlar soni 13 kishiga yetgan.

• Angren
• IIV
• Toshkent viloyati
• YTH