Janubiy Koreyadagi yong‘inda o‘zbekistonlik fuqaro halok bo‘lgani o‘z tasdig‘ini topmadi. Bu haqda “Dunyo” agentligi xabar berdi.

Chungchongpuk-do provinsiyasidagi maishiy gigiyena mahsulotlari ishlab chiqaruvchi zavodda yong‘in sodir bo‘lgani, o‘t qo‘shni ishlab chiqarish korxonalariga ham tarqalgani haqida xabar berilgandi.

Yong‘in sodir bo‘lgan paytda zavodda ishlayotgan 83 nafar xodimdan 81 nafari evakuatsiya qilingan. Biroq nepallik va o‘zbekistonlik 2 xodim bedarak yo‘qolgan, deya taxmin qilingan, ammo halok bo‘lganlar orasida O‘zbekiston fuqarolari mavjud emas. Diplomatlar voqea joyiga borib, vaziyatni o‘rganganida halok bo‘lgan shaxs 60 yoshli qozog‘istonlik ekani aniqlangan.

• Janubiy Koreya
• O‘zbekistonlik
• fuqaro
• yong‘in