AFP agentligining xabariga ko‘ra, prezident Daniel Noboa Ekvadorning markaziy qismidagi Kanyar provinsiyasidaligida uning kortejini yuzlab odamlar o‘rab olib, tosh va g‘isht otgan, shuningdek, o‘qotar qurollardan foydalangan.

“Kortej oldida taxminan 500 kishi paydo bo‘lib, unga toshlar otishdi. Bundan tashqari, prezident avtomobilida o‘q izlari aniq ko‘rinib turibdi”, — dedi Ekvador atrof-muhit vaziri Ines Mansano.

Uning aytishicha, besh kishi qo‘lga olingan, prezidentning o‘zi esa jabrlanmagan. Qo‘lga olinganlar “terrorizm va suiqasdga urinish” bo‘yicha javobgarlikka tortiladi.

Shuningdek, agentlikning yozishicha, hozirda Ekvadorda dizel yoqilg‘isi narxining oshirilishiga qarshi ommaviy norozilik namoyishlari bo‘lib o‘tmoqda, bu noroziliklar to‘qnashuvlarga sabab bo‘lmoqda. Hukumat esa tartibsizliklarda narkokartellarni ayblamoqda.

• Ekvador
• Prezident
• Tartibsizlik
• hujum