O‘zbekistonning oltin-valyuta zaxiralari bir oyda qariyb 5 milliard dollarga yaqin qiymatda oshdi. Bu haqda Markaziy bank e’lon qilgan statistik raqamlarda ko‘rsatilgan.

2025-yil 1-oktyabr holatiga ko‘ra, O‘zbekiston oltin-valyuta zaxiralarining 44,2 mlrd dollarlik qismi oltin hissasiga to‘g‘ri keladi, qolgan qismi esa xorijiy valyuta va qimmatli qog‘ozlarda saqlanadi.

Taqqoslash uchun, 2024-yilning shu davrida zaxiralar qiymati 41,1 mlrd dollar bo‘lgan, ya’ni bir yil ichida ular 13,9 mlrd dollarga oshgan. Bu o‘sishning katta qismi – 12,4 mlrd dollar – oltin narxining keskin ko‘tarilishi hisobiga yuz bergan.

Shu bilan birga, oltin zaxirasining qiymati oshgan bo‘lsa-da, hajmi biroz kamaygan. 1-oktyabr holatiga ko‘ra, zaxiralarda 11,6 mln unsiya (409,1 ming tonna) oltin mavjud. Avgustda bu ko‘rsatkich 11,8 mln unsiya, sentyabr boshida esa 12,3 mln unsiya bo‘lgan.

Statistika qo‘mitasi ma’lumotlariga ko‘ra, 2025-yil yanvar-avgust oylarida O‘zbekiston 22,98 mlrd dollarlik tovar va xizmat eksport qilgan, shundan 8,42 mlrd dollari (36,7 foiz) oltin eksporti hissasiga to‘g‘ri kelgan — bu mamlakat tarixidagi eng yuqori ko‘rsatkich hisoblanadi.

• Markaziy bank
• Oltin
• O‘zbekiston