O‘zbekiston va Quvayt o‘yinidan so‘ng Fabio Kannavaro matbuot anjumanida o‘z fikrlarini bildirdi.

“Kecha aytganimdek, hech bir o‘yin oson bo‘lmaydi. Har bir raqibni jiddiy qabul qilish kerak. Uchrashuvni yaxshi boshladik, mashg‘ulotlarda ishlagan g‘oyalarimiz samara berdi.

Negativlar — bu doimo bo‘ladigan holat. Shu vaqtgacha tanqidlar bo‘lmaganmi? Albatta, bo‘lgan. Lekin men ularga e’tibor qaratmayman. Doimo o‘z ishim haqida o‘ylayman. Muvaffaqiyatsizlikka uchrayotgan odamni ham hurmat qilish kerak. Futbolchilarga biroz agressiv bo‘lish kerakligini aytdim. To‘psiz o‘ynash ustida ishlashimiz lozim.

Raqib pressing qilmagan taqdirda ham bunga tayyor bo‘lish shart. Birinchi gol — mashg‘ulotlar mevasi. O‘z ustimizda ishlashda davom etishimiz lozim. G‘alaba qozonayotganda ko‘proq nazoratga ahamiyat berish zarur. Hisob 2:0 bo‘lib turgan paytda oddiy holda to‘pni yo‘qotdik, raqibga imkoniyat bermaslik — eng muhimi. To‘p nazorati ustida ishlashimiz kerak. Maydonda 90 daqiqa davomida faqat yugurishning iloji yo‘q. Shu bois futbolchilardan bir-birini yaxshiroq tushunish talab etiladi”, – deydi italiyalik murabbiy.

• Futbol
• murabbiy