Joriy yilning 27-avgust kuni Andijon viloyatining Asaka tumanidagi tug‘ruqxonadan sog‘lom chaqaloqning jasadi topilgani to‘g‘risida xabarlar tarqalgan edi. Ushbu holatga viloyat prokuraturasi munosabat bildirdi.

“Joriy yilning 27-avgust kuni Asaka tuman TTB qarashli 2-tug‘ruq kompleksi shifokorlari tomonidan homilador bemor Z.Jning qornida nobud bo‘lgan o‘g‘il jinsli homila jarrohlik yo‘li bilan olingan”, – deyiladi xabarda.

Qayd etilishicha, mazkur holat yuzasidan Asaka tuman prokuraturasi tomonidan tergovga qadar tekshiruv o‘tkazilmoqda.

Bosh prokuraturaning Andijon viloyat bo‘limi tomonidan tekshiruvlar natijasi bo‘yicha qonuniy qaror qabul qilinishi ta’minlanadi.

• Chaqaloq
• Poliklinika