Tesla investorlari aksiyadorlarning yillik yig‘ilishi translyatsiyasida kompaniya rahbari Ilon Maskga boshqaruvdagi yutuqlari uchun deyarli bir trillion dollarlik mukofot to‘lashni ma’qullashdi. Yig‘ilishda Maskni mukofotlash masalasi 75 foizdan ortiq ijobiy ovoz to‘plagan va qaror qabul qilingan.

Biroq Mask ushbu mukofotni faqat kompaniya kapitallashuvi keyingi o‘n yil ichida yana 7,5 trillion dollarga oshgan taqdirda olishi mumkin. To‘lov bir necha bosqichda amalga oshiriladi va u erishilgan natijalarga bog‘liq bo‘ladi. Hozirda Tesla’ning bozor qiymati qariyb 1,5 trillion dollarni tashkil etadi.

CNBC telekanalining xabar berishicha, Ilon Mask aksiyadorlar unga bir trillion dollarlik mukofot to‘lashni ma’qullamasa, kompaniyani tark etish bilan tahdid qilgan. Ushbu mukofotning maqsadi – kompaniya rahbarining kelgusida ham Tesla faoliyatiga to‘liq e’tibor qaratishini ta’minlash.

• Ilon_Mask
• Mukofot
• Tesla
• pul