AQSh Prezidenti Jo Bayden Isroil Bosh vaziri Benyamin Netanyaxuga ultimatum qo‘ydi. Agar u G‘azo sektorida operatsiya o‘tkazilishini o‘zgartirmasa, Isroilga yordam berishni to‘xtatish bilan tahdid qildi.

Prezident Bayden payshanba kuni bo‘lib o‘tgan qo‘ng‘iroq chog‘ida Isroil bosh vaziri Benyamin Netanyaxuga ultimatum qo‘ydi: “Agar Isroil G‘azodagi yo‘nalishini o‘zgartirmasa, biz endi sizga yordam bera olmaymiz”, – degan Bayden.

Bayden aynan nimani nazarda tutganiga aniqlik kiritmagan, Amerika qo‘llab-quvvatlashining yo‘qolishi haqida gapirganda, Isroilga qurol yetkazib berishni to‘xtatish imkoniyati haqida gapirmagan. Biroq manbalarning ta’kidlashicha, bu Baydenning 7-oktyabrdan beri Netanyaxu bilan ohang va mazmun jihatidan “eng qattiq” suhbati bo‘lgan.

• AQSh
• Bayden
• Binyamin Netanyaxu
• Falastin
• Isroil