Berlinda Falastin bilan birdamlik namoyishi bo‘lib o‘tdi. Bu haqda “Anadulu” xabar berdi.

Qayd etilishicha, turli Falastin guruhlari tomonidan uyushtirilgan “Falastin bilan birdamlik namoyishi” doirasida Neukolln tumanidagi Sonnenallee temir yo‘l stansiyasi yaqinidagi maydonda ko‘p odam to‘plangan.

Shundan so‘ng, namoyishchilar Falastin bayroqlari bilan Hermann maydoniga yo‘l olgan.

Isroilning G‘azoga hujumlariga norozilik bildirgan namoyishchilar “G‘azoda genotsidni to‘xtating”, “Quddus Falastinning poytaxti”, “Hozir o‘t ochishni to‘xtating” va ‘Falastinni ozod qiling” kabi plakatlarni ko‘tarib olgan.

Ba’zi ishtirokchilar G‘azodagi ocharchilikka e’tibor qaratish uchun qo‘llarida tovalar va qoplarda un ko‘targanlar. Politsiya faol xavfsizlik choralarini ko‘rgan namoyish Hermann maydonidagi chiqishlar bilan yakunlangan.

• Falastin
• Germaniya
• Isroil
• Namoyish