Birlashgan Millatlar Tashkiloti, Isroilning TRT televideniyesiga uyushtirgan hujumi G‘azoda jurnalistlar duch kelayotgan xavf-xatarlarni ko‘rsatganini bildirdi va voqea yuzasidan shaffof va ishonchli tergov o‘tkazilishiga chaqirdi.

Bu haqda Birlashgan Millatlar Tashkiloti matbuot kotibi Stefan Dujarrik, Isroilning jurnalistlarga, jumladan TRT guruhiga hujumi munosabati bilan “Anadolu” agentligiga yozma bayonot bergan.

Voqea haqida hozircha batafsil ma’lumotga ega emasliklarini aytgan diplomat: “Bu voqea jurnalistlarning G‘azoda qanday xavf-xatarlarga duch kelayotganini yaqqol ko‘rsatmoqda”, dedi.

“Bu hodisa, boshqa hodisalar kabi, shaffof va ishonchli tarzda tekshirilishi kerak”, – deya qo‘shimcha qildi u. Nusayrat qochqinlar lageriga uyushtirilgan hujum chog‘ida esa Isroil armiyasi mintaqadagi voqealarni kuzatayotgan TRT Arab ham bo‘lgan bir guruh jurnalistlarga hujum qilgan.

Xabar qilinishicha, Isroil armiyasi hujum paytida TRT Arab operatori Sami Mohamed Shehadeh, “CNN” muxbiri Muhammad Hasan es-Savalihi va mustaqil jurnalist Ahmad Bekir al-Luhni yaralagan.

• BMT
• jurnalist