Braziliya Oliy sudi 2010-2014-yillarda passiv korrupsiya va pul yuvishda gumonlangan sobiq prezident (1990-1992) va senator Fernando Afonsu Kolor de Meluni aybdor deb topdi.
“Federal Oliy sudning plenumi sobiq prezident Fernando Kolor de Melu BR Distribuidora (neft-gaz kompaniyasi Petrobrasning yoqilg‘i sotuvchi shoʻba korxonasi) bilan bog‘liq jinoyatlarda ayblandi. Sud, sobiq parlament a’zosi tadbirkorlar Luis Pereyra Duarte de Amorim hamda Pedro Paulo Bergamaski de Leoni Ramos yordamida davlat kompaniyasi va UTC Engenharia o‘rtasida noqonuniy shartnomalar tuzgani uchun 20 million real (Braziliya pul birligi) olganini isbotladi”, – deyiladi xabarda.
Passiv korrupsiya va pul yuvish bo‘yicha dastlabki ayblovlarga qo‘shimcha ravishda, jarayon davomida jinoiy fitnada ishtirok etish bandi ham qo‘shilgan. Bu ish bo‘yicha hukm 31-may kuni e’lon qilinadi.
Ish bo‘yicha ma’ruzachi sudya Edson Fachin ayblanuvchiga kamida 33 yil qamoq jazosi, jarima va tovon puli to‘lash, jinoyat bilan bog‘liq mol-mulkni musodara qilish va davlat xizmatidan chetlashtirishni so‘ragan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!