Braziliya rasmiylari payshanba kuni 82 yoshida vafot etgan futbol afsonasi Pele uchun uch kunlik motam e‘lon qildi.
“Ushbu farmon eʼlon qilingan kundan eʼtiboran Edson Arantes du Nasimento yoki sobiq futbolchi Pelening vafoti munosabati bilan uch kunlik umummilliy motam eʼlon qilinadi”, — deyiladi hukumat farmonida.
Braziliyaning iste’foga chiqqan prezidenti Jair Bolsonaru matbuot xizmati Pelening global sport uchun ahamiyatini ta’kidladi.
“U yagona uch karra Jahon kubogi gʻolibi boʻlib, nafaqat buyuk sportchi, balki qayerga bormasin, Braziliyaga shon-sharaf keltirgan buyuk fuqaro va vatanparvar ekanligini amallari bilan isbotladi”, — deyiladi hukumat xabarida.
Pele saratondan San-Paolodagi xususiy shifoxonada vafot etdi, u bir oy oldin yo‘g‘on ichak saratoni tufayli yotqizilgan edi.
Xotira marosimi uning sobiq futbol klubi Santos stadionida, San-Paolo shtatidagi shu nomli shaharda bo‘lib o‘tadi.
Marosim 2-yanvar, dushanba kuni mahalliy vaqt bilan soat 10:00 da boshlanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!