Chexiya Respublikasi Bosh vaziri Andrey Babish 29–30-aprel kunlari rasmiy tashrif bilan O‘zbekistonda bo‘ladi.

Tashrif doirasida Toshkent shahrida oliy darajadagi muzokaralar o‘tkazilishi rejalashtirilgan. Unda O‘zbekiston va Chexiya o‘rtasidagi ko‘p qirrali hamkorlikni yanada kengaytirish istiqbollari muhokama qilinadi.

Xususan, o‘zaro savdo hajmini oshirish, mashinasozlik, “yashil” energetika, kimyo, farmatsevtika va transport sohalarida hamkorlikni rivojlantirish masalalari diqqat markazida bo‘ladi. Shuningdek, madaniy-gumanitar va ta’lim yo‘nalishlaridagi aloqalarni kengaytirish yuzasidan ham fikr almashiladi.

Tomonlar xalqaro kun tartibidagi dolzarb masalalar hamda ko‘p tomonlama maydonlarda o‘zaro qo‘llab-quvvatlash bo‘yicha ham muzokaralar o‘tkazadi.