Isroil G‘azo sektoriga ma’lum turdagi gumanitar yordamlarning yetib borishini ataylab to‘sib qo‘ymoqda. Bu haqda 20 dan ortiq rasmiy va gumanitar tashkilotlar vakillariga tayanib CNN xabar berdi.

Telekanal suhbatdoshlariga ko‘ra, anklavga gumanitar yordam yetkazilishi Falastin bilan fuqarolik masalalarini muvofiqlashtiruvchi Isroil Mudofaa vazirligi COGAT bo‘limi tomonidan cheklangan. 2008-yilda bo‘lim Falastinga olib kirish taqiqlangan tovarlar ro‘yxatini tuzgan.

Manbalarning ta’kidlashicha, 14-fevral kuni COGAT uyqu sumkalarini olib ketayotgan yuk mashinasiga ruxsat bermagan, chunki ular yashil rangga ega va harbiy maqsadlarda foydalanish mumkin edi.

CNN shuningdek, G‘azo sektoriga olib kirish ko‘pincha taqiqlangan tovarlar ro‘yxatini ham qo‘lga kiritdi. Ular orasida anesteziya apparatlari, qo‘ltiq tayoqchalari, generatorlar, ventilyatorlar, rentgen apparatlari va kislorod ballonlari bor.

Kanal suhbatdoshlari importi taqiqlangan tovarlar ro‘yxati eskirgan deb hisoblaydi va yetkazib beruvchilarni unga ishonmaslikka chaqiradi. Shu bilan birga, manbalardan biriga ko‘ra, fevral oyida COGAT anklavga insulin qalamlarini olib kirishga ruxsat bergan.

• Falastin
• Gumanitar yordam
• Isroil