Jyoti Hindistonda kamdan-kam uchraydigan kasallik bilan tug‘ilgan, uning bo‘yi bor-yo‘g‘i 62,8 sm. Ammo bu uning hayot kechirishiga to‘sqinlik qilolmagan. U bu bo‘yi bilan Ginnesning rekordlar kitobiga kiritilgan. Shuningdek, televideniye yulduzi, aktrisa va sayohatchi. Ayol o‘tgan yili 30 yoshni qarshiladi.

U o‘zini boshqalar nogiron yoki qurbon sifatida ko‘rishini xohlamadi. Hamda ayol o‘zini boricha seva oldi. U o‘ziga va butun dunyoga jismoniy xususiyatlariga qaramay, xohlagan narsani qila olishini isbotlamoqchi.

2011-yilda 18 yoshga to‘lgan kuni u dunyodagi eng past bo‘yli ayol rasmiy unvonini oldi. Bu uning hayotidagi burilish nuqtasi bo‘lib, unga ko‘p imkoniyatlarni ochdi. U ommaviy axborot vositalari, muxlislar va mashhurlarning eʼtiborini tortgan taniqli shaxsga aylandi.

Jyoti o‘zini shou-biznesda sinab ko‘rishga qaror qildi. U "Amerikadagi dahshat hikoya" serialining to‘rtinchi mavsumida rol o‘ynadi. Jyoti uni har doim hamma qo‘llab-quvvatlagan oilasini juda qadrlaydi. U 20 dan ortiq mamlakatlarda, jumladan AQSH, Buyuk Britaniya, Yaponiya, Xitoy va Misrda bo‘lgan.

• Hindiston
• Shou-biznes