Bugun “Humo Arena” saroyida oʻtkazilayotgan dzyudo boʻyicha kattalar oʻrtasidagi 35-jahon chempionatining ikkinchi kuni.

Umumiy mukofot jamgʻarmasi bir million yevroni tashkil qiluvchi dunyo birinchiligining ikkinchi kuni -52 (ayollar) hamda -66 kg vazn toifalarida gʻolib va sovrindorlar nomi maʼlum boʻladi.

Bugungi bellashuvlarda hamyurtlarimizdan Diyora Keldiyorova, Sita Kadambayeva (-52 kg) va Sardor Nurillayev (-66 kg) medallar hamda qimmatli reyting ochkolari uchun tatamiga chiqadi.

Dzyudochilarimiz uchun qurʼa natijasi:

-52 kg: Diyora Keldiyorova — Sumiya Iraoui (Marokash)

-52 kg: Sita Kadambayeva — Yoana Diogo (Portugaliya)

-66 kg: Sardor Nurillayev — Bogdan Yadov (Ukraina)

35-jahon chempionatining birinchi kun qahramonlari dzyudo vatani vakillari boʻlishdi.

Olimpiada chempioni Naoxisa Takato faoliyatida toʻrtinchi bor jahon chempionatining oltin medalini qoʻlga kiritdi. Ayollar oʻrtasida esa Natsumi Sunoda sharafiga Yaponiya davlat madhiyasi yangradi.

Kechagi kun gʻolib va sovrindorlari:

Erkaklar. -60 kg vazn toifasi:

1. Naoxisa Takato (Yaponiya)

2. Ariunbold Enxtayvan (Moʻgʻuliston)

3. Yeldos Smetov (Qozogʻiston)

3. Yang Vei Yang (Xitoy Taipeyi)

Ayollar, -48 kg vazn toifasi:

1. Natsumi Sunoda (Yaponiya)

2. Katarina Mayns (Germaniya)

3. Abiba Abujakinova (Qozogʻiston)

3. Assunta Skutto (Italiya)

• Dzyudo
• Jahon chempionati
• O‘zbekiston