2025-yili “Safia” brendi ostida faoliyat olib boruvchi “Madina-Qandolat” MChJ 1,2 trln so‘m daromad oldi. Bu haqda iHamkor.uz’da ko‘rsatilgan hisobotdan ma’lum bo‘ldi.

Daromad yuqori bo‘lishiga qaramasdan, “Safia” qandolat mahsulotlari tarmog‘i o‘tgan yil davomida atigi 5,2 mlrd so‘mlik sof foyda olgan.

Bunga sotilgan mahsulotlar uchun katta miqdorda — 936,3 mlrd so‘mlik xarajat qilingani sabab bo‘ldi. To‘langan soliqlar o‘tgan yili 44,2 mlrd so‘mni tashkil qilgan.

Kompaniya daromadi 2024-yiliga nisbatan 6 barobardan ko‘proqqa oshdi. Bunga “Safia” brendi ostida faoliyat yurituvchi kompaniyalar “Madina-Qandolat” MChJ ostida birlashishi ham sabab bo‘ldi.

“Safia” biznes sifatida o‘sayotgani Soliq qo‘mitasi ma’lumotlarida ham ko‘rinmoqda. 2025-yili yanvarida kompaniyada 441 mingta chek ro‘yxatdan o‘tkazilib, aholi 482,1 mlrd so‘m keshbek olgandi.

2026-yili yanvariga kelib oylik cheklar soni 700 mingdan oshdi. Keshbek summasi esa qariyb 750 mlrd so‘mga yetdi.

• Daromad
• Safia Cafe & Bakery
• rekord